小心!去〝龍珠電腦配件公司〞買野一肚火
我和太太去黃金地庫果間龍珠電腦公司買SD咭,寫明特價154元,到我去櫃檯比錢時,放了二百元在台面,那位長髮中女收銀員一邊收錢一邊同我講係159元,第一次以為聽錯沒出聲, 跟住佢再大聲講159元, 我話唔係喎, 寫明特價154元喎!
那位長髮中女收銀員話係D職員攪錯左, 一邊撕走154個價錢牌,一邊講應該係159蚊, 我話你兩邊玻璃櫃都係寫154蚊, 係咪你電腦打錯價錢? (呢個唔係錢既問題, 係老屈我既問題,) 我太太話咁唔得喎,HOLD住先, 跟住中女同老闆講左兩句,中女突然改了口風話, 咦?電腦呢度又話154蚊喎?…..咁應該係154蚊,(嘩!海鮮價!)
中女收銀員話: 多謝154蚊…… 太太回應: OK吖…
中女收銀員再話: 多謝154蚊…… 太太奇怪地再回應: OK吖…(中女收銀員點頭示意太太要比錢)
太太話: 吓?????????之前我咪比左200蚊, 你都未找錢喎!!!!!!
中女收銀員同老闆變了黑臉,露出狼相說,我無收過, 你未比錢!!! 老闆話: 我都見唔到, 邊個睇到你比左呀!! 跟住其他職員好團結個個話睇唔到我比錢!!!(一日收咁多錢,你信唔信所有職員會睇住中女收每個客既錢, 望實等做証人!!!! , 由收我錢到check 價錢都係兩分鐘左右, 你信唔信中女唔記得!!!!) 跟住佢地當我透明繼續收其他客人錢!!!!!! 當時一肚火,火燒心, 我太太說,你有裝閉路電視,你即刻check!!!! ( 中女收銀員同老闆突然由黑臉,狼相變回客氣,變化之大極為罕見, 老實說,check唔到我就報警)check了 約3分鐘,check到我有比錢,d職員仲不肯正面回答, 討論了一回才跟中女收銀員話已收錢.
我敢寫佢全名就因為全部事實,如果你想去幫趁龍珠電腦配件公司,記得先記錄銀紙號碼, 叫中女收銀員check下電腦收銀機有否打錯件貨, 同埋其他公司係咪收晒工, 問下閉路電視有冇開, 叫晒佢地在場的既所有職員見証你比錢的情況, 你便可以放心購買.

有無搞錯,甘都仲成世界

正黑掂

小心我試過之前其他黃金商店(非龍珠)，我買錄像帶，給了一百元，佢地話只是二十元，所以要記住買野時一定要對方唔好同人傾計，唔係當無收過到得。

真恐怖

香港幾時變成咁ge呀!好心痛呀!間黑店有冇去投訴佢ga呀!無法無天,光天白日下搶錢,唔報警你也太仁慈了,係我一定報警,話佢搶錢,不成實

深水埗買電腦野, 一係黃金正都, 一係新高登中央田, 其他免問.

一定要去消費者委員會投訴。