好多人去左話排得太耐玩唔得幾多... +_+;
我一號去左, 用普通飛($225)都玩左6~7間屋,
有少少排隊心得, 打出黎同大家分享下.
如果大家有d乜野路線提供, 或資料上0既修正,
或發現大會0向安排上有任何改動, 都希望大家可以post出黎.
等未去0既朋友可以去之前plan下d行程:


- 夜場一開始時(5:30pm)山上玩比較少人,唔係好使排. 因為個個第一件事都係去榕樹灣排厲鬼村先, 所以唔好同人迫, 無論你正門入定大樹灣入, 都上左山玩先.

- 山上面都有好多鬼屋, 以我覺得迷幻空間比較特別, 唔驚的, 好得意, 有個鏡造的迷宮同旋轉隧道.

- 滑浪飛船附近有個猛鬼直播室, 17, 24同31號雲海會去講鬼故(7-9pm), 應該好勁. 平時聽佢0向電台講都好驚...

- 玩完山上面果d, 食埋野, 大概八點多D, 你搭纜車去正門定搭電梯落大樹灣都無所謂, 因為有免費接駁巴士來回兩個門口, 有帶手帶就可以出左再入返.

- 我自己就正門入, 先搭纜車上山, 玩完搭返纜車去正門再排, 玩完先搭巴士過大樹灣. 睇落好似兜左個圈, 但其實可以避左d人潮, 慳左排隊時間.

- 聽d工作人員講, 厲鬼村頭一個鐘最多人排, 8點過後少人d, 再夜d普通飛15分鐘就排到.

- 星期日人流少d, 因為d人星期一要返工返學.

聽講雲海講鬼普通- -講ufo外星人個d就勁- -